હવામાન નિષ્ણાંત અંબાલાલ પટેલની આગાહી: 10થી 14 મે સુધીમાં રાજ્યમાં પવનો ફુંકાઈ અને ગાજવીજ સાથે વરસાદ થવાની શક્યતા
- 11 May, 2024
હવામાન નિષ્ણાંત અંબાલાલ પટેલે રાજ્યના હવામાન વિભાગમાં પલટો આવવા અંગેની આગાહી કરી છે. તેમણે કહ્યું છે કે આગામી તા.10 મેથી 14 મેની વચ્ચે સમગ્ર રાજ્યમાં ભારે પવનો ફૂંકાશે અને વરસાદ પણ થશે. 12મેથી મધ્ય ગુજરાતમાં વરસાદ રહેશે. વડોદરા, બોડેલી, કપડવંજ, નડીયાદ, ખેડા, જંબુસર સહિતના ભાગોમાં ભારે પવન સાથે વરસાદ રહેવાની શક્યતા છે. જોકે અન્ય વિસ્તારો કરતા કચ્છમાં ફુંકાતા પવનની ગતિ વધુ રહેશે. જોકે ત્રણ દિવસ પછીથી એટલે કે 14થી 17 મે દરમિયાન આકરી ગરમી પડશે.
મધ્ય ગુજરાતમાં 44 ડિગ્રીથી વધુ તાપમાન રહી શકે છે. ઉત્તર ગુજરાતમાં તાપમાન 43 ડિગ્રી રહેશે. જેમાં પાલનપુર, થરાદ, ડીસા, કાંકરેજ, ઈકબાલગઢમાં ભારે પવન ફૂંકાશે. તેમજ કચ્છ, રાધનપુર, સાંતલપુરમાં ગરમીનું પ્રમાણ વધશે. તેમજ મહેસાણા, સમી, હારીજમાં ધૂળ ઉડવાની સાથે ગરમી વધશે. કૃતિકા નક્ષત્રનાં વરસાદી છાંટાથી ચોમસુ સારૂ રહેશે. રોહિણી નક્ષત્રમાં રાજ્યમાં જુદા જુદા ભાગોમાં વરસાદ થશે.
કચ્છમાં પવનની ગતિ વધારે રહેશે. તેમજ સૌરાષ્ટ્રમાં પણ પવનની ગતિ રહેશે. ઉત્તર ભારતમાં થંડરસ્ટોર્મ એક્ટિવીટી થશે. જ્યારે 14 થી 17 મે માં આકરી ગરમી પડશે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ